لعشاق تركيا ........؟

بسم الله الررحمن الرحيم

اما بعد يا اعضاء يا حلوين جايبلكم موضع اليوم لعشاق تركيا
انشاءالله جايبلكم معلومات كافيه لتركيا

اول حاجه ....التذاكر بالنسبه للتذاكر فى الخطوط الليبيه ...الى هى شركة البراق....
البراق [270] دينار ذهاب وعودا ...حاليا فى تخفيضات بالنسبه للبراق يعنى فى اى وقت ممكن ترقا ......على العموم حاليا [270] دينار ..من مطار بنينه بنغازى او مطار طرابلس الى مطار اسطنبول الدولى ...طبعا الرحلات فى بنغازى وطرابلس


[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذا الرابط] border="0" alt=""/>





وبالنسبه للخطوط التركيه التذاكر [450] دينار .من مطار بنينه بنغازى او مطار طرابلس الى مطار اسطنبول الدولى..طبعا الخطوط التركيه غاليه اشوى لاكن خدمات فى قمة الخيال وبصراحه اتحس روحك فى تركيا وانت مازلت فى ليبيا طبعا الخطوط التركيه كذالك فى بنغازى وطرابلس لاكن الاكثريه طرابلس بنغازى احيانا ........



[ندعوك للتسجيل في المنتدى أو التعريف بنفسك لمعاينة هذه الصورة]




هذى بالنسبه للتذاكر .........

بالنسبه فى المطارات مافيش مشاكل بلكل طبعا وانت فى ليبيا الموضوع ساهل بلكل ......
لما توصل للمطار اسطنبول .....طبعا احيانا تلقى مترجمين فى الاماكن العامه فى تركيا ...هذى فى حالة انك صارتلك مشكله انشاء الله خير ..........طبعا برضك فى تركيا مافيش مشاكل بلكل فى المطار انا نختصرلك القصة انت معاك ليبيا واخوه عرب الى ايديروها ديرها .....هذى فى حالة اول مره تمشى ........لما تختم جوازك تمشى تاخذ شنتك راك تنساها .....اشوى حناطا ..... طبعا فى حاجه انسيتا انت طبعا تبى تاخذ امعاك دولار من ليبيا طبعا انت خوذ امعاك 1500 دولار خاطى التذكره تى قسما بالله اتعيش ملك 10 ايام ....ملك بمعنى الكلمه عندك ممكن الدبش فى غلولا اشوى لاكن حاجه استايل تلبس حاجه ماحد لابسا ....لاتقولى لا الماجرى لا الابتسامه ......انقوللكم حاجه جماعت المحلات عندنا الدبش يا خذو فيه من الاسواق العانه فى تركيا .....تى السروال الى تشرو فيه 25 تى غادى 10 دولار واقل اخرى ......طبعا ممكن الابتسامه فى جكات ياخذ فيهن من محلات راقيا لاكن كميه بسيطه وكذالك فيها مكسب خيالى ............المهم انا غيرت الموضوع بلكل ..............طبعا انت اتجيب امعاك دولار اى سعر وتصرفا فى المطار ......المطار فى صرافا غادى اتصرفن الى العمله التركيه ......وبعدها تطلع من المطار الى التكسى ...... طبعا اتقلا ...هوتيل يفهمها ....هوتيل بالتركى اصلا اوتيل .....لاكن انت قول هوتيل ....طبعا الهوتيلات يبدن من 50 دولار فما فوق ..

..فى اقل لاكن مش صح .......المهم قولا هوتيل فور استار .......ياخذك طبعا عندا عداد .......لما توصل اتشوف انت العداد وتخلصا .........المهم الفنادق فى مترجيمين جوا يحكو عربى فهمهم وقللهم كم المدى الى تبيها ............وطبعا اوعر حاجا قلتا لكم الى الباقى ساهل فى ساهل ............بالنسبا للمواد الغذائيه فى سورب ماركات غادى كذالك ساهل فى ساهل ..................



[ندعوك للتسجيل في المنتدى أو التعريف بنفسك لمعاينة هذه الصورة]



وفى حاجه انسيت عليها وهى اهم حاجه فى الرحله كلها طبعا لما تاخذ التذكره من ليبيا ايقولك كم المدى الى تبيها طبعا اسبوع عشر ايام ............طبعا قولا عشر ايام ..........لاكن لما توصل تركيا وجا تاسع يوم وحبيت اتزيد فى المدى تمشى للمطار تاسع يوم وتمشى للخطوط الى انت جاى فيها وتمشى للمكتب امتاعهم فى المطار وتحكيلهم طبعا مافيش مشاكل فى اللغه قوللهم انا حابب انزيد فى المدى الصلاحيه ياخذو منك التذكره وديرولك عليها استيكر جديد ويزيدوك فى المده...............وهذى هى تركيا يا اعضاء ............... نتمنا ان ينال اعجابكم الموضوع .........تحياتى بيترو كلاس .....


[ندعوك للتسجيل في المنتدى أو التعريف بنفسك لمعاينة هذه الصورة]

هذا عد جامع السلطان بن احمد

[ندعوك للتسجيل في المنتدى أو التعريف بنفسك لمعاينة هذه الصورة]








ويا اعضاء اى معلومات ازياده او اى استفسار مافيش مشاكل انا موجود .......وبالنسبه الى حابين يمشو ايخبرونى اندزهم الى وحدين 100% .........توا سلامات ونتمنا ان الموضوع ينال اعجابكم ...............

مشكور على المعلومات القيمه والمفيده والله منك استفدنا

مشكوره سى سى على مرورك الرائع وانشاء اتكونى استفدتى من الموضوع ..............مشكوره مره ثانيه على الطله الدائما.......سلام.

مشكور خوي علي موضوعك الروعه وعلي الصور اروع
تقبل مروري sweet giri

مشكور خوي علي موضوعك الرائع والصور الرائعه

واصل علي هذا المنوال

اخوك ....
esso